Dheere

Kuch to

kuch to havaa bhi sard thi kuch tha tera khayaal bhi
dil ko khushii ke saath saath hotaa rahaa malaal bhi

[sard=cold; malaal=sorrow]

baat vo aadhi raat ki raat vo puure chaand ki
chaand bhi ain chet kaa us pe tera jamaal bhi

[chet=name of a month; jamaal=beauty]

sab se nazar bacha ke vo mujh ko aise dekhate
ek dafa to ruk gaii gardish-e-maah-o-saal bhi

dil to chamak sakegaa kyaa phir bhi taraash ke dekh lo
shiishaagaraan-e-shahar ke haath kaa ye kamaal bhi

[taraash=chisel/polish (stone); shiishaagar=glazier/one works with glass]

us ko na paa sake the jab dil kaa ajiib haal thaa
ab jo palat ke dekhiye baat thi kuch muhaal bhi

[muhaal=difficult/impossible]

meri talab thaa ek shakhs vo jo nahin milaa to phir
haath duaa se yuun giraa bhuul gayaa savaal bhii

[talab=quest/want; shaKhs=person]

shaam ki naasamajh havaa puuch rahi hai ik pataa
mauj-e-havaa-e-kuu-e-yaar kuch to meraa khayaal bhi

[naasamajh=naive]

us ke hi baazuuo.n mein aur us ko hi sochate rahe
jism ki khvaahisho.n pe the ruuh ke aur jaal bhi

Hum He Mein Thee

Hum he mein thee na koi baat, yaad na tum ko aa sakay

Tum ne hamain bhula diya, hum na tumhein bhula sakay

Tum he na sun sakay agar qissa-e-gham sunay ga kaun

Kis ki zubaa.n khulay gee phir hum na agar suna sakay

Hosh mein aa chukay thay hum, josh mein aa chukay thay hum

Bazm ka rang dekh kar sar na magar utha sakay

Shauq-e-visaal hai yahaan lab pe savaal hai yahaan

Kis ki majaal hai yahaan hum se nazar mila sakay

Raunaq-e-bazm ban gaye lab pe hikayatain raheen

Lab pe shikayatain raheen lab na magar hila sakay

Aisa bhi koi nama-barr her baat pe kaan dhar sakay

Sun ker yaqeen kar sakay jaa ke unhain suna sakay

Ahl-e-zabaa.n to hain bohot, koi nahin hai ahl-e-dard

Kaun teri tarah Hafeez, dard ke geet ga sakay