SIRF TUM

Tere ikhalas se muhabbat ki hai
Tere ehsas se muhabbat ki hai
Tu mere pass nah hai phir bhi
Teri yaad se muhabat ki hai
Kabhi tu ne bhi mujhe yaad kiya hoga
Main ne un lamhat se muhabat ki hai
Jin mein hon sirf teri or meri baatain
Main ne un aoqaat se muhabat ki hai
Aur jo mehkey hon sirf teri hi muhabat se
Main ne un jazbat se muhabat ki hai
Tujh se milna tu ab khawab sa lagta hai
Main ne tere intizar se muhabat ki hai

Meri Gali

Meri gali se wo jab bhi guzarti hogi
Mod pe jaake kuch der theharti hogi

Bhool jaana mujhko itna aasaan to na hoga
Dil main kuch toot ke to bikharta hoga

Saath dekhe the Jo un khwabon ka kaarwaa
Ghubaar bankar uski aankhon me ubharta hoga

Koi jab choomta hoga use baanho me lekar
Mera pyar badan me uske sehrata hoga

Uski zulfon ko meri ungliyan dulaarti hongi
Saamne aaine ke wo jab bhi sanwarti hogi

Dard jab bhi deta hoga ye sangdil zamaana
Wo bewafa mujh ko yaad to karti hogi.

Unknown