Hum vo bedard hain
Khaab ganva kar bhi jinhain neend aa jaati hai
Soch soch kar bhi jin ke zehnon ko kuch nahin hota
Toot phoot kar bhi jin ke dil dharakna yaad rakhtay hain
Hum vo bedard hain
Keh jin ke aansu aankhon ka rasta bhool jaatay hain
Toot kar ronay ki koshish main jo baat be-baat muskuraatay hain
Shaam se pehlay marr jaanay ki khaahish main jo
Jeetay hain aur....Jeetay he chalay jaatay hain
No comments:
Post a Comment